Saúdo do Alcalde

Desde esta páxina pode dar comezo unha visita virtual para coñecer de primeira man moitos dos atractivos que oferta o noso concello.

É unha satisfacción poder abrir a todo o mundo unha ventá a través da cal a cidadanía pode ter acceso a aspectos tan importantes da Fonsagrada como a historia, o patrimonio cultural ou o Camiño Primitivo, tan vinculado á nosa historia, entre outros moitos aspectos tanto sociais como culturais.

Quero darlles as grazas de antemán pola visita virtual ao noso municipio e animarlles a vir a descubrir, dun modo máis palpable, a tranquilidade dos nosos pobos; a beleza dunha paisaxe única, confeccionada polas seimeiras, ríos e montes que caracterizan a xeografía da Galicia máis Oriental; o seu patrimonio histórico-artístico, tanto material como inmaterial, onde as músicas dos nosos artistas e a exquisita técnica dos nosos bailadores se presenta como un selo de identidade; e, por suposto, a calidez e acollida das nosas xentes. Somos un pobo de emigrantes, e iso fainos sentir noso a calquera que chegue ao noso Concello. Aquí estaredes sempre como na casa

Sen máis, despídome esperando que esta visita electrónica sexa do seu agrado, que poida resolver todas as dúbidas ou necesidades que existisen, e que se anime a, nun momento futuro, visitar o noso municipio e os seus pobos e aldeas.

Un cordial saúdo,

CARLOS LÓPEZ LÓPEZ.

Alcalde da Fonsagrada.

Corporación Municipal 2023-2027

PSdeG - PSOE

PPdeG

BNG