Dentro da campaña de Nadal e co obxectivo de dinamizar e fomentar o comercio e o sector servizos no noso municipio, dende o Concello da Fonsagrada convócase o “5º Concurso de Escaparates e Decoración de Nadal para establecementos comerciais” 2023.
O presente concurso ten por obxecto promover a creatividade do pequeno comercio do noso Concello, premiando aos negocios con mellor decoración de Nadal e que proporcionen un mellor ambiente festivo, fomentando as actuacións de promoción e animación que atraian ao público a visitar os negocios do municipio nesa época. A través desta campaña conséguese que estas empresas sexan atractivas aos visitantes e veciño/as e se visualice a calidade dos seus produtos e servizos.
Poderán participar no concurso todos os establecementos comerciais abertos ao público no Concello da Fonsagrada, calquera que sexa a súa actividade.
O tema a desenvolver na decoración será relativo as Festas de Nadal. A técnica e o estilo utilizados serán totalmente libres.
Os interesados en participar neste concurso deberán realizar a súa inscrición segundo o formulario do ANEXO I das presentes bases. Enviarase por correo electrónico xunto cunha foto do escaparate decorado a escaparatesfonsagrada@gmail.com como data límite o 17 de decembro do presente ano. A inscrición será gratuita.
Os establecementos que participen no certame estarán identificados cun cartel e deberán manter a decoración de Nadal dende o día 17 de decembro de 2023 ata o 7 de xaneiro de 2024. Dita decoración dos escaparates e negocios gardará relación directa co Nadal.
O xurado será popular a través da rede social Facebook. Nesas datas poderase votar a fotografía que máis agrade facendo clic en “Gústame” ou “Encántame” nesa imaxe.
O luns, día 8 de xaneiro de 2024 ás 12:30 horas, as 3 primeiras fotografías con máis “Gústame” e “Encántame” terán un premio. Os premios serán tres diplomas aos 3 comercios finalistas e as seguintes cantidades económicas:
1º Premio: 300€
2º Premio: 250€
3ºPremio: 200€
Bases
Solicitude de inscrición