Pena do Inferno, é unha praia fluvial localizada na Fonsagrada, situada nun val a 290 metros sobre o nivel do mar, e ten unha área recreativa con chiringuito.

Habilitouse fai tres décadas nun meandro do rio Lamas-Vilabol, afluente do Navia.Ten unha paisaxe impresionante, cunha roca encima do rio que deixa ver os restos dunha morrena glacial.

Para chegar vaise dende A Fonsagrada pola estrada LU-721.

Nesta praia atopamos unha gran variedade de animais como o porco teixo, furón bravo, visón, garzas, garduña, raposo, ourizo, morcegos, etc. Tamén podemos atopar unha gran variedade de especies vexetais como castiñeiros, carballos, bidueiros, ameneiros, nogais, madroños ou fentos.